Sanjar Quvvatov: "Bizning vazifamiz Xavidan qo'rqish emas..."

"Ajdarlar" guruhdagi navbatdagi bahsni Qatarning "Al Sadd" jamoasiga qarshi o'tkazadi. Ushbu uchrashuvdan oldin "Nasaf" jamoasi darvozaboni Sanjar Quvvatov o'z fikrini bildirib o'tdi.

"Al Vasl"ga qarshi uchrashuvda biz taktika va jamoadoshlarimda bo'lgan ishtiyoq tufayli g'alaba qozondik. Guruhdagi keyingi turda Qatarning "Al Sadd" jamoasiga qarshi bahs olib boramiz. Xaviga qarshi to'p tepish juda ham yoqimli. Bizning vazifamiz Xavidan qo'rqish emas, muxlislarimiz uchun yaxshi o'yin ko'rsatish va g'alaba qozonish. Ushbu jamoaga qarshi yaxshi tayyorgarlik ko'ryapmiz. Oldinda bizni Farg'onada bo'lib o'tadigan "Neftchi"ga qarshi o'yin kutib turibdi. Ayni paytda, ko'proq "Neftchi" haqida o'ylayapmiz", - deydi darvozabon Sanjar Quvvatov

Jahongir Sotvoldiev yozib oldi