"Andijon" tarixda ilk bor OCHL 2 da: tayyorgarlik, qura va uchrashuvlar sanasi

Bu nafaqat klub, balki butun Andijon viloyati uchun katta sharaf va muvaffaqiyatli sanaladi.    

Klub rahbariyati va murabbiylar shtabi musobaqaga jiddiy tayyorgarlik ko'rmoqda. Legionerlar bilan muzokaralar olib borilyapti, infratuzilma yaxshilanyapti. Jamoa to'p tepadigan "Bobur Arena" stadionida ham xalqaro o'yinlarga mos ravishda shart-sharoitlar yaratilmoqda.

Xo'sh, "Andijon" kimlarga qarshi to'qnash kelish mumkin?

OCHL 2 guruh bosqichi qura orqali aniqlanadi. Andijonliklar katta ehtimol bilan Markaziy Osiyo yoki G'arbiy Osiyo jamoalari bilan raqobatlashadi. Saudiya Arabistoni, Birlashgan Arab Amirliklari, Qatar, Xindiston, Eron, Iordaniya, Iroq, Turkmaniston kabi davlatlarining klublari bilan o'ynash ehtimoli mavjud.

Qura qachon?

OFK tomonidan rasman elon qilingan qura marosimi 2025 yilning 16 avgust sanasida Malayziya davlatida bo'lib o'tadi.

"Andijon" musobaqada 2-savatchadan o'rin egallagan. Quyida savatchadan o'rin olgan jamoalar bilan tanishishingiz mumkin:

1. "Istiqlol" (Eron)

2. "Andijon" (O'zbekiston)

3. Iroqning 2-o'rinni olgan jamoasi 

4. "Al Hussayn" (Iordaniya)

Qura natijalaridan so'ng "Andijon" uy-safar tizimida jami 6 ta o'yin o'tkazadi va guruhda 1–2-o'rinlarni egallagan jasoalar pley-off yo'llanmasini qo'lga kiritib, keyingi bosqichiga chiqadi.

Guruh bosqichi o'yinlari sanasi:

1-tur: 16–18 sentyabr

2-tur: 30 sentyabr-2 oktyabr

3-tur: 21-23 oktyabr

4-tur: 4-6 noyabr

5-tur: 25-27 noyabr

6-tur: 10-11 dekabr

Nodirbek Abdullaev