Rustam Akramov: Dinamo Paxtakorga jiddiy qarshilik ko'rsatsa kerak

Taniqli mutaxassisning aytishicha, minglab muxlislar qarshisida o'tadigan - kuchli beshlikdan o'rin olib turgan Dinamo va peshqadam Paxtakor o'rtasidagi uchrashuv ancha shiddatli va qiziqarli o'tadi.

Samarqanddagi o'yin shiddatli va ancha qiziqarli o'tsa kerak. CHunki Dinamo ham, Paxtakor ham hozirda muxlislar ishonchini qozonmoqda. O'yin minglab samarqandlik muxlislar qarshisida o'tsada, fikrimcha, ushbu juftlikda Paxtakorning imkoniyati yuqoriroq. Dinamo jamoasini hurmat qilaman. Samarqandda yaxshi murabbiy ishlayapti. Ammo Dinamo bilan Paxtakorni solishtirganda, toshkentliklar raqibiga nisbatan kuchliroq, menimcha. Boz ustiga, ular mavsumni juda yaxshi boshlashdi va ketma-ket g'alabalar tufayli yuqori darajada ruhlanishgan. SHu bilan birga o'z o'yinlarini borgan sari takomillashtirib borishyapti. SHu nuqtai nazardan qaraganda, mezbonlar jiddiy qarshilik ko'rsatishsada, Dinamo uchun peshqadam Paxtakorni to'xtatib qolish qiyin bo'ladi. Qolaversa, shu kuni Dinamoning ijaradagi futbolchilari to'p surishi savol ostida turibdi. Biroq bu Samarqand jamoasi maydonga shunchaki tushadi degani emas. Ular bor kuch va imkoniyatlarini ishga solsalar kerak - deydi Rustam Akramov gazetaning tur prevyusida.