Ro'ziqul Berdiev: “Raqib bilan birga maydonga qarshi ham kurashdik”

- Bugun bizga qarshi yaxshi tayyorgarlik ko'rgan raqib bilan birga maydon bilan ham kurashdik,- deya gap boshladi Ro'ziqul Sadullaevich.

– Maydonning holati achinarli ahvolda ekan. Bu holat nafaqat bizning, balki mezbonlarning o'yiniga ham qiyinchilik tug'dirdi. CHunki futbolchilar yaxshi maydonda o'ynashni hoxlashadi. O'yinga keladigan bo'lsak, albatta, birinchi bo'limda ko'plab hujumlar tashkil etsakda uni yakunlashda oqsadik. Buning ustiga standart vaziyatdan so'ng o'z darvozamidan gol o'tkazib yubordik. Standart vaziyatlarda ular gol kiritish uchun yaxshi imkonyatga ega bo'lishini biz bilardik. SHunga qaramay o'sha vaziyatda birozgina etiborsizlik qilindi va mezbonlar gol kiritishdi. Ikkinchi bo'limda vaziyatni o'nglashga harakat qildik. Tashabbus biz tomonda bo'ldi. Ammo “Qizilqum” himoyachilari yaxshi harakat qilishdi. Bugungi durang bizni aslo qoniqtirmaydi. Lekin bu futbol. Keyingi o'yinlarga jiddiy tayyorgarlik ko'rishda davom etamiz.