Ro'ziqul Berdiev: “Issiqda o'ynaganimiz mag'lubiyatimiz uchun bahona bo'lolmaydi”

Ro'ziqul Berdiev, “Nasaf” FK bosh murabbiyi: - O'zbekiston kubogining nimchorak finalidagi dastlabki uchrashuvda futbolchilarimiz ko'p kuch yo'qotganligi bugun sezildi. Buning ustiga Bekoboddda o'yin ancha vaqtli, issiq haroratda boshlandi. Ammo bu mag'lubiyatimiz uchun bahona bo'lolmaydi. Ikkala jamoa ham bir xil sharoitda to'p tepdi. “Metallurg” jamoasi birinchi taymda o'z maqsadiga erishib olgach, ikkinchi taymda juda tartibli himoyalandi. Biz esa o'z o'yinimizni ko'rsata olmadik. Mag'lubiyat sabablarini o'rganib chiqamiz va shunga yarasha kamchiliklarni bartaraf etish chorasini ko'ramiz, deydi Ro'ziqul Berdiev.

"Metallurg" matbuot xizmati