Ro'ziqul Berdiev: “G'alaba kerak edi va unga erishdik”

-Bugun haqli g'alabaga erishdik. Kutilgan o'yinni namoyish etib, ko'plab xavfli vaziyatlarni yarata oldik. Yigitlar ko'rsatgan o'yindan, natijadan mamnunman. Kiritilgan ikkita goldan tashqari yana ko'plab vaziyatlarga ega bo'ldik. Ulardan samarali foydalanganimizda hisob bundanda yirik ko'rinishi hosil qilishi mumkin edi. Muhimi bugun bizga g'alaba kerak edi va biz bunga erishdik... Bugun Umidjon Ergashevga imkon berdik. U ruhiy tushkunlikka tushmasligi uchun bu zarur edi. Bugungi bahsda u yomon harakat qilmadi. Tarkibimizda to'rt nafar yosh darvozabonlar bor. Biz ularga ishonamiz va barchasiga imkon beramiz.

-To'g'ri, Humoyun Murtazoev qulay imkoniyatlardan foydalan olmagan holatlar ham bo'ldi. Ammo bugun u ikkita gol urib, g'alabamizni taminladi. Bobir Abduholiqov jarohati bois o'yin amaliyotisiz qoldi. U 4 kundan buyon umumiy guruhda mashg'ulotlarda ishtirok etmoqda. Kecha o'rinbosarlar safida bir bo'lim o'ynadi. Bugun ham unga imkon berdik. O'ylaymanki, u hali o'z so'zini aytadi.