Ronaldino uy qamog'idan qachon chiqishi malum, u Braziliyaga boshqa qaytmasligi mumkin

U hozirda mazkur davlatda uy qamog'ida saqlanmoqda. ESPN manbasiga ko'rsa, 40 yoshli futbolchi o'z aybiga to'liq iqror bo'lsa, avgustda ozodlikka chiqariladi.

Sudda Ronaldino o'zi va akasiga soxta hujjatlarni tayyorlashda braziliyalik tadbirkor Vilmondes Souza Liriya yordam berganini tan olgan.

Sobiq o'yinchi ozodlikka chiqqanidan keyin har oyda jarima to'lashi va xatti-harakatlari to'g'risida tegishli idoralarga hisobot berib borishga majbur bo'ladi.

Xabarda keltirilishicha, Ronaldino Braziliyani bir umrga tark etmoqchi. U akasi bilan Kasteldefels shahridagi (Ispaniya) uyga ko'chib o'tishi kutilmoqda. Aynan shu shaharda Lionel Messi, Luis Suares va “Barselona”ning boshqa azolari ham istiqomat qiladi.