"Real" - "Selta" uchrashuvi Italiyada halok bo'lganlar xotirasiga bir daqiqa sukut saqlash bilan boshlanadi

O'yin bugun "Santyago Bernabeu" stadionida bo'lib o'tadi. Bahs Toshkent vaqti bilan 23:15da boshlanadi.

Madrid klubi Italiyadagi zilzilada halok bo'lganlar xotirasini yodga olishga qaror qildi. "Real" futbolchilari maydonga qora bog'ich bilan chiqishadi.

24 avgust tongida Italiyaning markaziy qismida 6,2 magnitudali zilzila ro'y berdi. Natijada 284 kishi halok bo'ldi va 400 dan ortiq kishi turli darajadagi tan jarohatlari oldi.