"Real" "Bernabeu"ning yig'iladigan chim qoplamasini ko'rsatdi. Stadionda koncertlar, basketbol o'yinlarini o'tkazsa bo'ladi

"Real Madrid" ijtimoiy tarmoqlarda "Santyago Bernabeu"ning unikal chim qoplamasi haqidagi videoroliklarni taqdim etdi. 

Yangi tizim chimni bo'laklarga bo'lgan holda er ostida joylashgan maxsus joyda saqlashga imkon beradi. Er ostida maxsus moslamalar chimni parvarish qilishda (sug'orish tizimi, fitolampalar) davom etadi. Barcha jarayon avtomatlashtirilgan. 

Bundan tashqari klub stadiondan maksimal foyda olish maqsadida bu erda kibersport bilan shug'ullanish tizim, restoranlar, do'konlar va muzey tashkil qilmoqchi. Rejaga ko'ra, stadion yiliga 300 kun ishlaydi. Hayratlanarlisi shuki, stadionda basketbol va tennis o'yinlari ham o'tkazish rejalashtirilgan. Videoda stadion qanday qilib o'z shaklini basketbol maydoni yoki tennis kortiga aylantirganini ko'rish mumkin. "Real Madrid"ning hisob-kitoblariga qaraganda, ushbu qo'shimcha imkoniyatlar yiliga qo'shimcha 150 mln evro daromad olib keladi.

Yaxshisi, videoni o'zingiz ko'rganingiz maqul: