Rasman: "CHelsi" Lempardni istefoga chiqardi

Lempard tez orada istefoga chiqariladi

"CHelsi" klubi Frenk Lempard o'z vazifasidan istefoga chiqarilganini elon qildi.

"Bu qiyin qaror bo'ldi, uni qabul qilish klub xo'jayini va direktorlar kengashi uchun oson bo'lmadi.

Biz klub bosh murabbiyi sifatida erishgan yutuqlari uchun Frenkdan minnatdormiz. Ammo, oxirgi uchrashuvlardagi o'yin sifati va natijalar biz kutgandek bo'lmadi. Jamoa turnir jadvalining o'rtasida va progress ko'zga tashlanmayapti", - deyiladi klub bayonotida.

"Ko'klar"ga Tomas Tuxel bosh murabbiy bo'lishi kutilmoqda.

Kecha tunda "CHelsi" Angliya kubogi 4-bosqichida "Luton"ni mag'lub qilgan va 1/8 finalga yo'l olgan edi.

APLda esa jamoa oxirgi 5 uchrashuvda bor yo'g'i bitta g'alabani qo'lga kiritgan va 19 turdan keyin turnir jadvalida 9-pog'onada bormoqda.

Eslatib o'tamiz, Lempard "CHelsi"ni 2019 yilning yozidan beri boshqarib keladi. 2019/2020 yilgi mavsumda jamoa chempionatni to'rtinchi o'rinda tugatgan.