"Qo'qon-1912": Bronza medal sohiblari yangi mavsumga tayyorgarlik ko'rishmoqda

Qo'qonda yig'in o'tkazayotgan Muhsin Nizomiddinov shogirdlari mashg'ulotlarga zo'r berishgan.

O'rinbosarlar shu haftada ikkita nazorat uchrashuvini o'tkazishadi. Yoshlar ertaga soat 14:00da tajribali mutaxassis Bahrom Hakimov boshqarayotgan Yaypanning “Turon” jamoasiga qarshi o'rtoqlik o'yinida maydonga tushishadi. Mazkur bahs “Markaziy” stadionda o'tkazilishi rejalashtirilgan.

Bundan tashqari, o'rinbosarlar 13 yanvar shanba kuni Farg'onada “Neftchi” klubiga qarshi maydonga tushishadi. Ushbu o'rtoqlik uchrashuvi Qirgulidagi “Neftchi SK” stadionida soat 13:00da bo'lib o'tadi.