"Qizilqum" Turkiyada yig'in o'tkazadi

"Oltin izlovchilar" 13 yanvar kuni Hamidjon Aktamov boshchiligida yig'inga kirishishgan. Jamoani kimlar tark etgani va kimlar qolgani haqida oldinroq xabar bergan edik.

“Qizilqum” yangi mavsumga tayyorgarlikni boshladi

Bundan tashqari, jamoaning sobiq legionerlari Elguja Grigalashvili va Mate Vatsadze ham "Qizilqum"ga qaytishdi. Lekin, klub bu haqda hali rasman elon qilmadi.

Elguja va Mate "Qizilqum"ga qaytmoqda

Navoiyliklar 21 yanvardan yig'inni Toshkentga ko'chirishadi. Bir hafta poytaxtda mashg'ulotlar olib borilganidan so'ng 28 yanvar kuni klub charter reysda Turkiyaning Antaliya shahriga uchib ketadi. Antaliyadagi yig'in 12 fevral sanasiga qadar davom etadi. U erda o'tkaziladigan nazorat o'yinlarida Aktamov shogirdlariga qaysi jamoalar raqib bo'lishi hozircha aniq emas.

Oldinroq, Toshkentning "Lokomotiv" jamoasi ham 28 yanvar - 12 fevral kunlari Antaliyada yig'in o'tkazishi haqida xabar bergandik. Har ikkala klub Antaliyaga charter reysda birga uchishadi.

Eslatib o'tamiz, "Qizilqum" o'tgan mavsumni Superliganing 11-pog'onasida tugatgan.