Qirg'iziston terma jamoasi bosh murabbiyi: “Osiyo Kubogi-2019ga qadar kuchli jamoalar bilan o'ynashimiz kerak”

– Ikkala jamoa chiroyli va hujumkor o'yin namoyish etishdi. Ikkita yaxshi jamoa o'ynasa odatda shunday bo'ladi. Birinchi taymda o'ylab qo'yilgan narsalar amalga oshmadi, ammo jamoam o'yinni o'zgartira oldi. Ikkinchi taymda hujumda yaxshiroq o'ynadik. Falastin va Suriya bilan o'yinlarda futbolchilarim vaziyatni o'zgartirib yuborishdi. Ikkala bahsda ham futbolchilarga hech qanday etirozim yo'q. Ularning harakatlaridan mamnunman.

– Terma jamoaning keyingi rejalari qanday?  
– FIFA kunlari uchun kelishuvlarga erishganmiz. Barchasi tasdiqlanganidan keyin rejalarimizni elon qilamiz. 8-16 oktyabr kunlari yig'in o'tkazamiz. Bu yig'in Qirg'izistonda bo'lmaydi va o'yinlar ham safarda o'tadi. Afsuski Suriya bilan o'yin bu yilda o'z maydonimizdagi oxirgi bahs bo'ldi.

– Osiyo Kubogi-2019ga tayyorgarlik jarayonida mana shunday kuchli raqib ustidan qozonilgan g'alaba qanchalik ahamiyatga ega? ⠀
– SHubhasiz, har bir o'yin biz uchun muhim. Biz yuqori saviyadagi raqiblar bilan o'ynayapmiz. Faqat mana shunday o'yinlar orqali o'sish mumkin. Ijobiy natija esa jamoaga qo'shimcha kuch bahsh etadi. Osiyo Kubogida kuchli jamoalar o'ynaydi, shu bois o'rtoqlik uchrashuvlarini mana shunday jamoalarga qarshi o'tkazishimiz lozim, - deydi Krestinin Qirg'iziston futbol Federaciyasi rasmiy saytiga.