PSJ yozda amalga oshmagan transferga yanvarda urinib ko'radi

Franciya klubi slovakiyalik himoyachi uchun 60 mln evro taklif qilgan edi, biroq 27 yoshli futbolchi uchun 80 mln evro istagan "neradzurri" buni rad etdi. 

Endi Liga 1 chempionlari yanvardagi transferlar oynasida himoyachi uchun 30 millionlik taklif tayyorlashmoqda.

SHkrinyarning amaldagi jamoasi bilan bitimi 2023 yilning yozida yakun topadi va u klub bilan yana hamkorlik qilishni istamayapti. 

"Inter" o'yinchining tekinga boshqa klubga o'tib ketishiga qo'yib bermaslik uchun PSJning taklifini qabul qilishi mumkin.

Italiya klubi himoyachini sotmay saqlab qolib shartnomasi tugashiga qadar uni uzaytirishga ko'ndirishga umid qilgan edi. Biroq bu haligacha amalga oshgani yo'q.