PRO-Liga. “A” guruhi, hakamlar statistikasi. Eng ko'p o'yin Zokir Qodirovda va boshqa qiziqarli faktlar!

Endilikda mavsumning etiborga molik jihatlariga to'xtalib o'tish maqsadga muvofiq bo'ladi. “A” guruhida muxlislar bir qator qiziqarli to'qnashuvlarga guvoh bo'ldi. Hakamlar va nazoratchilar boshqarmasi PRO-Liga bahslariga ham Superligadi hakamlarni tayinlagani ham so'zimizga isbot bo'ladi. Xatto “A” guruhidagi uchrashuvlarning ko'pini FIFA referilari boshqarib borganini ko'rdik. Valentin Kovalenko, SHerzod Qosimov, Ilgiz Tantashev, Ahrol Risqullaev, Aziz Asimov shular jumlasidandir.

“A” guruhidagi o'yinlarni boshqarib borish bo'yicha Zokir Qodirov etakchilik qildi. Navoiylik hakamning chekiga 10ta uchrashuvni boshqarish tushdi. Qodirov “Dinamo” ishtirokidagi 4ta o'yinni, “Surxon”ning 3ta uchrashuvini, “Mashal” va “Andijon”ning 2tadan bellashuvini boshqarib borganini ham qo'shimcha qilish joiz.

Futbolchilarga sariq kartochka ko'rsatish borasida SHerzod Qosimovga teng keladigani topilmadi. Toshkentlik FIFA referisi o'zi boshqarib borgan 8ta o'yinda jami 39ta futbolchini sariq kartochka bilan siyladi. Yana bir qiziq fakt: Qosimov bu yil “Andijon”ning 5ta o'yinini boshqargan, shundan 4tasida “burgutlar” g'alaba qozongan bo'lsa, yana bir uchrashuvda durang qayd etgan.

 
Penalti belgilash bo'yicha ham SHerzod Qosimov etakchilik qildi. U bilan birga Ilgiz Tantashev ham 5ta 11 metrlik to'pi belgiladi.

Joriy mavsum PRO-Liganing “B” guruhida g'olib bo'lgan “Nurafshon” jamoasida ham faoliyat yuritgan Dauletboy Jalimov “A” guruhida 1ta o'yinni boshqardi. “Istiqlol” – “”Xorazm” (2:0) uchrashuvida Jalimov birorta ham futbolchiga kartochka ko'rsatmagan.