Prevyu. "Surxon" - "Lokomotiv"

O'zbekistonning amaldagi chempioni "Lokomotiv" ertaga safarda "Surxon" mehmoni bo'ladi. Uchrashuv 18:00da start oladi va "Sport" telekanali orqali to'g'ridan-to'g'ri namoyish etiladi. Quyida o'yinga doir bazi malumotlarni keltirib o'tamiz. 

Turnir jadvalidagi holat 

- "Surxon" Superliga jadvalida 15ta o'yindan so'ng 21 ochko bilan 7-o'rinda boryapti. Jamoa 6 martadan g'alaba va mag'lubiyat qayd etgan, shuningdek 3 marta durang o'ynagan. To'plar nisbati 15-21. 

- "Lokomotiv" turnir jadvalida 2-o'rinni egallab turibdi. "Temiryo'lchilar" 15 o'yinda 30 ochko to'plashgan. "Loko" 9 bor zafar quchib, uch martadan durang va mag'lubiyat qayd etgan. To'plar nisbati 26-11. 

"Surxon"

- Termizning "Surxon" klubi ertaga o'z maydonida 9-bahsini o'tkazadi. Avvalgi 8ta o'yinning to'rttasida maydon egalari g'alaba qozongan. Uchta bellashuv durang bilan yakun topgan va faqat bir o'yinda "Surxon" mag'lub bo'lgan. Uydagi o'yinlarda to'plar nisbati 8-5. 

- "Surxon"ning o'z uyidagi yagona mag'lubiyati 14-turda ro'y berdi. Jamoa "Nasaf" bilan kechgan bahsda 1:3 hisobida yutqazib qo'ydi. 

- "Surxon" bu yil faqat safarda "So'g'diyona" darvozasiga 3ta to'p kirita oldi. "Bunyodkor" darvozasini ikki bor aniq nishonga olgan. Qolgan o'yinlarda bittadan ko'p gol ura olmay kelyapti. 

- Ikkinchi davraning dastlabki ikki turida bu jamoa o'z darvozasidan 6ta gol o'tkazib yubordi: "Nasaf" (1:3) va "Bunyodkor" (0:3). 

- "Surxon" qatorasiga uchta turdan beri faqat mag'lub bo'lyapti. Bu jamoa oxirgi marta o'z uyida "Bunyodkor"ni 2:0 hisobida engan. 

- "Surxon" shu paytgacha O'zbekiston chempionatida "Loko" bilan uch marta o'ynab, birortasida g'alaba qozonmagan. 

"Lokomotiv"

- "Lokomotiv" ikkinchi davrani mag'lubiyat bilan boshladi va keyingi turda g'alabaga erishdi. "Loko" birinchi davrada o'z maydonida "Surxon"ni 5:1 hisobida mag'lub etgan. 

- Bu "Lokomotiv" uchun safardagi ettinchi uchrashuv bo'ladi. Jamoa shu paytgacha ikki bor g'alaba qozonib, bir marta durang o'ynagan va 3ta bellashuvda imkoniyatni boy bergan. Safar bahslarida to'plar nisbati 5-6.

- "Lokomotiv" safarda ketma-ket ikkinchi o'yindirki mag'lubiyatga uchradi. Ertaga "temiryo'lchilar" noxush ananaga barham berishga harakat qilishadi. 

- "Lokomotiv" chempionat doirasida shu paytgacha Termizda faqat bitta o'yin o'tkazgan bo'lib (2004 yil), mazkur bahs 0:0 hisobida yakun topgan.