PREVYU. SO'G'DIYONA - OLMALIQ

So'g'diyona (Jizzax) – Olmaliq (Olmaliq)
9 avgust. Zomin. “Zomin” stadioni. 17:45
Hakamlar: R. Bobomurodov (Navoiy), M. Saidqosimov (Toshkent), S. SHoyusupov (Toshkent), I. Xudoydotov (Toshkent).
Nazoratchi: G. Imomov (Toshkent).

Bu ikki klubning yo'llari oliy liga o'yinlarida 9 bor kesishgan. Natijalar “Olmaliq”ning kichik ustinligini ko'rsatmoqda. “Olmaliq” 4ta o'yinda g'alabaga erishgan. 3ta bahsda g'olib aniqlanmagan. Qolgan 2ta o'yinda “So'g'diyona”ning qo'li baland kelgan. To'plar nisbati ham “Olmaliq” foydasiga. Olmaliqliklar shu kunga qadar o'zaro o'yinlarda 23ta gol kiritib o'z darvozalaridan 19 marta to'p olib chiqishgan. O'zaro o'inlarda “Olmaliq” 15, “So'g'diyona” esa 9 ochkoni qo'lga kiritgan.

“So'g'diyona” oliy ligada “Olmaliq” ustidan 5:2 hisobida g'alaba qozongan. Bu o'zaro o'yinlardagi jizzaxliklarnng eng yirik g'alabasi hisoblanadi. “Olmaliq”ning o'zaro o'yinlardagi erishgan eng yirik g'alabasi esa 4:1ga teng.

Dastlabki davradagi o'yinda gollar shousi kuzatilgan. “Olmaliq” safida Dilyaver Abibullaev, Obid Jo'raboev, SHerzod Hakimov (ikkita) gol urishgan. Bunga “So'g'diyona”dan Suxrob Qobilov va Sardor Eminov javob berishgan – 4:2.

“So'g'diyona” maydonida bo'lib o'tgan 4 uchrashuv:
04.08.2013 So'g'diyona - Olmaliq 2:2
15.10.2011 So'g'diyona - Olmaliq 5:2
23.03.2009 So'g'diyona - Olmaliq 3:2
20.09.2008 So'g'diyona - Olmaliq 1:1

O'zaro o'yinlar haqida fakt: “So'g'diyona” o'z maydonidagi o'yinlarda bu raqibga umuman yutqazmagan – ikki g'alaba va ikki durang. Oxirgi uchta o'yinda mehmonlar ikkitadan gol urishgan.