Prevyu. "Olmaliq" - "Neftchi"

Olmaliq (Olmaliq) – Neftchi (Farg'ona)
8 may 2016. Olmaliq. "OKMK" stadioni. 18:00
Hakamlar: SH. Qosimov (Toshkent), T. Gaynulin (Toshkent), A. Sidorov (Toshkent), D. Jalimov (Nukus)
Nazoratchi: R. Aytekov (Toshkent).

“Neftchi” va “Olmaliq” oliy ligada 16 marta to'qnash kelishgan. Ushbu o'yinlardan 9tasida farg'onaliklar g'olib bo'lishgan. 3ta o'yin durang hisobida yakunlangan, “Olmaliq” hisobida 4ta g'alaba mavjud.

“Neftchi” shu kungacha o'zaro o'yinlarda “Olmaliq” darvozasiga 32ta to'p kiritgan, Toshkent viloyati klubi esa “Neftchi” darvozasiga 17ta gol urgan. “Olmaliq”  o'zaro o'yinlarda 15 ochko ishlab olgan bo'lsa, “Neftchi” 30 ochkoni qo'lga kiritgan. “Neftchi”ning oliy ligada “Olmaliq” ustidan erishgan eng yirik g'alabasi 4:0 ni tashkil qiladi. “Olmaliq”ning yirik g'alabasi esa 3:1.
 
O'tgan yil 12-turda Farg'onada o'tgan o'yinda Dilyorbek Ermatov, Akmal Xolmatov va SHukurali Po'latov tomonidan urilgan gollarga mehmonlardan Arslonmurod Omonov javob bergandi – 3:1. Olmaliqda esa muxlislar gollar shousining guvohi bo'lishgan. Maydon egalari safida Jahongir Abdumo'minov, Doniyor Ismoilov va Evgeniy Gogol, farg'onaliklar tarkibida Ro'zimboy Ahmedov, Adrian Kashkaval va SHerzod Hakimov gol urishgandi – 3:3.

Olmaliqda o'tgan barcha uchrashuvlar:
26.10.2015 Olmaliq - Neftchi 3:3
26.09.2014 Olmaliq - Neftchi 1:0
25.05.2013 Olmaliq - Neftchi 3:1
15.03.2012 Olmaliq - Neftchi 0:0
05.03.2011 Olmaliq - Neftchi 2:1

O'zaro o'yinlar haqida fakt: Olmaliqda o'tgan 8ta o'yinning 4tasida mezbonlar zafar quchishgan. Uch bahsda tomonlar durang o'ynashgan. “Nefchti” safarda faqat bir marta (2010 yil) g'alaba qozongan.