Prevyu. "Neftchi" - "Dinamo"

NEFTCHI – DINAMO
31 may. Farg'ona. "Qirguli SK". 17:30 
Hakamlar: H.Ro'ziev, A.Usmonov, T.Gaynulin, A.Jo'raxonov
Nazoratchi: R.Serazetdinov.

Bu jamoalar shu kunga qadar o'zaro 40 marta kuch sinashishgan. Natijalar “Neftchi”ning kattagina ustunligini ko'rsatmoqda. Farg'onaliklar 40 bahsning 28 tasida g'alaba qozonishgan. 10 uchrashuvda “Dinamo”ning qo'li baland kelgan. Ikkita o'yinda esa durang qayd etilgan. To'plar nisbati ham tabiiyki “Neftchi” foydasiga 79-35. O'zaro o'inlarda “Neftchi”  86 ochoni qo'lga kiritgan bo'lsa, “Dinamo” 32 ochkoga ega bo'lgan.

“Neftchi”ning “Dinamo” ustidan qozongan eng yirik g'alabasi - 8:0. “Dinamo”ning “Neftchi” ustidan qozongan eng yirik g'alabasi esa - 3:1 ni tashkil etadi.

O'tgan yil 1-turda Farg'onada bo'lib o'tgan bahsda maydon egalari Anvar Berdievning goli evaziga uch ochkoga ega bo'lishgan. 26-turdagi o'yinda esa “Dinamo” Samarqandda “Neftchi” darvozasiga javobsiz 2 ta gol urgan. Birinchi bo'limda Farrux SHotursunov, ikkinchi bo'limda Azamat Bobojonov to'p kiritishgan.   

Farg'onada o'tgan so'nggi besh uchrashuv:
02.03.2013  Neftchi - Dinamo 1:0
26.03.2012  Neftchi - Dinamo 1:0
14.05.2011  Neftchi - Dinamo 1:0
26.08.2010  Neftchi - Dinamo 3:2
29.06.2009  Neftchi - Dinamo 2:0

O'zaro o'yinlar haqida fakt: “Neftchi” o'z uyida bu raqibga qarshi bo'lib o'tgan oxirgi 11ta o'yinda faqat g'alaba qozongan. Samarqandliklar so'nggi bor Farg'onadan 2000 yilda uch ochko bilan qaytishgan. Bundan tashqari “Dinamo” oxirgi uch mavsumda Farg'onada gol ura olmagan.  


Narzulla Saydullaev.