Prevyu. "Navbahor" - "Neftchi"

Navbahor (Namangan) – Neftchi (Farg'ona)
15 avgust 2015. Namangan. "Markaziy" stadioni. 18:00
Hakamlar:  R. Ermatov (Toshkent), A. Rasulov (Toshkent), J. Saidov (Toshkent), A. Najafaliev (Toshkent)
Nazoratchi: A. Popov (Toshkent).
O'zPFL vakili: F. Magametov.

“Navbahor” va “Neftchi” oliy ligada 47 bor kuch sinashishgan. Ustunlik “Neftchi” tomonida. 24ta o'yinda farg'onaliklar raqibni mag'lub etishgan, 12 uchrashuvda durang natija qayd etilgan. Yana 11ta o'yinda “Navbahor” zafar quchgan. “Neftchi” o'zaro o'yinlarda 73 bor raqib darvozasiga yo'l topa olgan. “Lochinlar” esa 47 bor gol kiritishgan. “Neftchi” o'zaro o'yinlarda 84 ochkoni qo'lga kiritgan bo'lsa, “Navbahor” hisobida 45 ochko mavjud. “Navbahor”ning “Neftchi” ustidan qozongan eng yirik g'alabasi – 3:0 bo'lib turibdi. “Neftchi”ning yirik g'alabasi esa – 4:1.

Birinchi davradagi bahs Qo'qon shahrida o'tgan. Unda Otabek Haydarovning “Qo'qon-1912” darvozasiga urgan goli yagona bo'lgan – 1:0. Qizig'i Otabek ikkinchi davrani aynan qo'qonliklar safida boshladi.

Namanganda o'tgan so'nggi besh uchrashuv:
29.03.2014 Navbahor - Neftchi 1:1
10.08.2013 Navbahor - Neftchi 1:1
16.06.2012 Navbahor - Neftchi 1:0
20.06.2011 Navbahor - Neftchi 0:2
29.05.2010 Navbahor - Neftchi 1:1

O'zaro o'yinlar haqida fakt: “Navbahor” o'z uyida tashkil etilgan uchrashuvlarning 9tasida uch ochkoni qo'lga kiritgan. To'qqiz marta g'olib aniqlanmagan. Besh bor “Neftchi” raqib maydonidan muvaffaqiyat bilan ortiga qaytgan. Namanganda bo'lib o'tgan oxirgi ikki o'yinda bir xil 1:1 hisobi qayd etilgan.