Prevyu. "Mashal" - "Paxtakor"

Mashal (Muborak) – Paxtakor (Toshkent)
31 oktyabr 2015. Muborak. Bahrom Vafoev nomidagi stadion. 16:00
Hakamlar: R. Bobomuradov (Navoiy), H. SHodmonov (Buxoro), O. Jumaev (Navoiy), O. To'ychiboev (Toshkent)
Nazoratchi: G'. Karimov (Toshkent).

Bu ikki klubning yo'llari oliy liga o'yinlarida 29 bor kesishgan. Ustunlik “Paxtakor” tomonida. 20ta o'yinda toshkentliklarning qo'li baland kelgan bo'lsa, 4ta uchrashuvda “Mashal” g'olib bo'lgan. Besh uchrashuvda g'olib aniqlanmagan. To'plar nisbati “Paxtakor” foydasiga 57:19. O'zaro o'inlarda “sherlar” 65 ochkoni, “Mashal” esa 17 ochkoni qo'lga kiritgan.

“Paxtakor” oliy ligada “Mashal” ustidan 4:1 hisobida g'alaba qozongan. Bu o'zaro o'yinlardagi poytaxt klubining eng yirik g'alabasidir. “Mashal”ning o'zaro o'yinlardagi eng yirik g'alabasi esa 2:0 bo'lib turibdi.

Birinchi davrada Toshkentdagi o'yinda “sherlar” g'alaba qozonishgan. Stanislav Andreevning dubli va Kaxi Maxaradzening urgan goliga “Mashal” safida Zafar To'raev javob bergandi – 3:1.

Muborakda o'tgan so'nggi besh uchrashuv:
05.04.2014 Mashal - Paxtakor 0:1
10.05.2012 Mashal - Paxtakor 0:3
24.04.2011 Mashal - Paxtakor 1:0
25.09.2010 Mashal - Paxtakor 1:2
24.08.2009 Mashal - Paxtakor 0:0

O'zaro o'yinlar haqida fakt: “Mashal” o'z maydonida bo'lib o'tgan uchrashuvlarda bu raqibni 3 bor taslim qilgan. “Paxtakor” safarda 7 bor g'alaba qozongan va 4 marta durang o'ynagan. Oxirgi ikki o'yinda “Mashal” Muborakda ikki bor gol urolmay yutqazgan.