Abdurauf Bo'riev: "Muhimi, o'zimizga kerakli natijani qayd etdik"

O'yindan so'ng "sherlar" yarim himoyachisi Abdurauf Bo'riev fikrlarini bildirdi.

"Kutilganidanda qiyin o'yin o'tkazdik, chunki ikki jamoa ham vaziyatlardan foydalana olmadi. Oxiri penaltilar seriyasigacha etib keldik. O'zimizga kerakli natijani qayd etdik. O'ylaymanki, muxlislar zavq olishdi. Muxlislarbop o'yin bo'ldi. 

Finalning o'ziga yarasha gashti bor. Bu orqali jamoaviy sovrinni qo'lga kiritishim mumkin. Oldimizdagi o'yingacha vaqt kam, shu bois tezroq tiklanishimiz kerak. Chempionlik kurashidan chiqdik demasdim lekin yo'qotilgan ochkolar rol o'ynaydi. Imkoniyatimiz bor, oxirigacha kurashamiz", dedi Abdurauf Bo'riev.

Poytaxt klubi navbatdagi bahsini 29 sentyabr kuni "Jar" stadionida "Surxon"ga qarshi o'tkazadi.