Prevyu. Eron - Janubiy Koreya

Braziliyadagi mundialda ishtirok etgan ikki jamoa ayni paytda "A" guruhida peshqadam bo'lib turishibdi. Forslar ham, koreyslar ham 3ta o'yindan so'ng 7 ochko to'plashdi. 

Karlush Keyrush boshchiligidagi Eron terma jamoasi 3-bosqichning ilk turini o'z uyida Qatarga qarshi o'tazdi va hakam tomonidan qo'shib berilgan daqiqalarda ikkita gol urib g'alabaga erishdi - 2:0. Ikkinchi turda Xitoy mehmoni bo'lgan "Tim Melli" 0:0 hisobida durang qayd etdi. 6 oktyabr kuni Toshkentda Eron Jalol Hussayni tomonidan urilgan gol evaziga 3 ochko egasi bo'lgani haqida barcha biladi. 

Eron uchta o'yinda o'z darvozasidan umuman gol o'tkazmadi.

Janubiy Koreya ushbu bosqichni o'z uyida Xitoyga qarshi bahs bilan boshladi va 3:2 hisobida zafar quchdi. Ikkinchi turda koreyslar Suriya bilan nursiz durang qayd etdi - 0:0. Nihoyat uchinchi turda Koreya Qatar ustidan 3:2 hisobida g'alabaga erishdi. 

Qatar bilan bahsda qizil kartochka olgan Xong Jeong Xo Eronga qarshi o'ynay olmaydi. 

Janubiy Koreya va Eron shu kunga qadar 28 marta to'qnash kelishgan. 12 marta Eron, 9 marta Janubiy Koreya g'olib bo'lgan. 7 bor durang kuzatilgan. 

O'zaro o'yinlarning oxirgi 3tasida Eron 3 marta g'alaba qozongan.

Eron - Janubiy Koreya 

11 oktyabr 2016. Tehron. "Ozodi" stadioni. 19:45 (Toshkent vaqti)

Hakamlar: Ryuji Sato, Toshiyuki Nagi, Akane Yagi, Masaaki Toma (barchasi Yaponiya)