Prevyu. "Buxoro" - "Andijon"

Buxoro (Buxoro) – Andijon (Andijon)
17 aprel 2016. Buxoro. "Buxoro" stadioni. 17:30
Hakamlar: R. Ermatov (Toshkent), A. Rasulov (Toshkent), J. Saidov (Toshkent), F. Norsafarov (Qarshi)
Nazoratchi: B. Galeev (Urganch).

“Buxoro” va “Andijon” oliy ligada jami 42 bora to'qnash kelishgan. SHulardan 12tasida andijonliklar g'olib bo'lishgan, 18 o'yinda buxoroliklar g'alabani tantana qilshigan. O'zaro o'yinlarda 12 marta durang natijasi qayd etilgan. To'plar nisbati “Buxoro” foydasiga 67:55 ni tashkil qilmoqda. O'zaro o'inlarda “Buxoro” 66 ochkoni, “Andijon” esa 48 ochkoni qo'lga kiritgan.

“Andijon”ning “Buxoro” ustidan qozongan yirik g'alabasi – 6:1. Qizig'i “Buxoro”ning o'zaro o'yinlarda “Andijon” ustidan eng yirik g'alabasi ham 6:1.

O'tgan yil birinchi davrada vodiydagi bahsda hisobni Abdumalik Abdullaev ochgandi. Birinchi bo'lim oxirida Ibrohim Otaxonov penaltidan unumli foydalanib hisobni oshirgandi. Ikkinchi bo'limda Otabek Narzullaev "Buxoro"ning yagona javob to'pini kiritgandi - 2:1. Ikkinchi davrada xuddi shu hisob bilan “Buxoro” o'z uyida zafar quchgan. Suxrob Nematov va Alisher Sanaevning gollariga mehmonlar safida Anvar Berdiev javob bergan – 2:1.

Buxoroda o'tgan so'nggi besh uchrashuv:
26.08.2015 Buxoro - Andijon 2:1
20.09.2014 Buxoro - Andijon 3:0
17.11.2012 Buxoro - Andijon 1:0
19.03.2011 Buxoro - Andijon 0:0
29.06.2009 Buxoro - Andijon 2:1

O'zaro o'yinlar haqida fakt: “Buxoro” mezbonlik qilgan o'yinlarning 13tasida maydon egalari muvaffaqiyat qozonishgan. 7ta o'yinda g'olibni aniqlashni imkoni bo'lmagan. “Andijon” bu jamoa maydonidan faqat bir marta (2008 yil) g'alaba bilan qaytgan. Oxirgi besh o'yinda "burgutlar" Buxoroda 3 ochko olishning uddasidan chiqa olishmagan.