Portugaliya – Urugvay o'yinida maydonga yugurib chiqqan muxlis LGBT'ga aloqador emas

"H" guruhida Portugaliya – Urugvay terma jamoasi o'rtasida bo'lib o'tgan uchrashuvning ikkinchi taymida kiziq voqea ro'y berdi.

O'yinning ikkinchi taymida maydonga muxlis yugurib chiqdi.

Saytimizda avvalroq berilgan xabarga ko'ra, maydonga chiqqan muxlis italiyalik Mario Ferri bo'lgan. Uning maydonga yugurib chiqishi nima maqsadda sodir etilgani nomalum.

Mario maydonga siyosiy lozunglar bilan, aniqrog'i, Mario "Respect for Iranian woman" va "Save Ukraine" so'zlari tushirilgan futbolkada maydonga yugurib chiqdi va butun dunyo etiborini o'ziga tortdi. Ferrining futbolkasidagi yozuvlar eronlik ayollarga erkinlik berish va Ukrainada tinchlik o'rnatishga chaqiradi, ustiga ustak Marioning chap qo'lida Ukraina gerbining tatuirovkasi ham bor edi.

"Ferri maydonga qo'lida "kamalak" ranglari tushirilgan bayroq bilan maydonga tushdi va ko'pchillik uni LGBT hamjamiyati bayrog'i deb uylamoqda, lekin aslida esa u "Tinchlik bayrog'i", bunday bayroqni Italiya ko'chalarida ko'p uchratish mumkin va bu bayroqning LGBT'ga hech qanday aloqasi yo'q. Bayroqni italiyalik gumanist Aldo Kapitini yaratgan va birinchi marta 1961 yil 24 sentyabr kuni Peruji va Assizi shaharlarida bo'lib o'tgan birinchi tinchlik marshida ishlatilgan va shundan so'ng bu bayroq "Tinchlik bayrog'i" bo'lib kelmoqda va u dunyoning tinchlik ramzi hisoblanadi. 

"Tinchlik bayrog'i"ning LGBT ramzidan farqi shundaki, "Tinchlik bayrog'i"da kamalakning 7 ta rangi va o'rtasida "PACE" yozuvi tushirilgan, LGBT bayrog'ida esa 6 ta rang", – deya xabar bermoqda rossiyalik mustaqil jurnalist Ilya Varlamov.