"Persepolis" ro'yxatida to'rt nafar nomzod bor

Persianfootball.com saytining yozishicha, xorvatiyalik mutaxassis o'rniga "Persepolis" to'rt nafar murabbiy nomzodini ko'rib chiqmoqda. Bular - "Padideh" bosh murabbiyii Yahyo Gulmuhammadi, sobiq futbolchi Mehdi Mahdavikiya, taniqli murabbiylardan biri Afshin Gotbi hamda Xorvatiya U-23 terma jamoasi sobiq bosh murabbiyi Zlatko Kranchar. 

Albatta, yangi bosh murabbiy kim bo'lishini vaqt ko'rsatadi. Eslatib o'tamiz, Branko Ivankovich yaqinda "Persepolis"ni tark etib, Saudiya Arabistonining "Al Ahli" klubi bilan shartnoma tuzdi. Ivankovich qo'l ostida tehronliklar uch bor mamlakat chempionligini qo'lga kiritishdi, shuningdek o'tgan yil OCHL finalida o'ynashdi.