"Paxtakor"ning kecha mag'lub bo'lishiga sabab bo'lgan 4 narsa

Championat.Asia muxbiri Nikolay Egorichev "Paxtakor" - "Al Ayn" (0:3) o'yini bo'yicha kichik tahlil tayyorladi. Nega "sherlar" mag'lub bo'lishdi?

1. OFK CHempionlar ligasi – boshqa daraja. Superligada o'yinlar zichligi va tezlik pastroq. "Paxtakor" kecha anchadan beri to'qnash kelmagan qarshilikka duch keldi. "Al Ayn" jismoniy va taktik tomonlama yaxshi tayyor edi va o'z vaziyatlarida yaxshi harakat qildi.

2. Individual xatolar. Har bir gol baribir aniq bir o'yinchilarning xatolari bilan bog'liq bo'ladi, ammo bu kecha yana ham kattaroq ko'zga tashlandi. Birinchi gol bilan vaziyatda Sayfiev orqani tashlab oldinga yugurdi, qanotga esa Stinvorden yaqinlashishga majbur bo'ldi, yakunda himoya markazida faqatgina Tursunov qoldi. Aynan Doston gol urgan "Al Ayn" forvardining yaqin ustunga yaqin kelishida uxlab qoldi. SHundan so'ng o'yin mehmonlarga foyda keltiradigan scenariy ostida kechdi. Ikkinchi gol yana maydon markazida Tursunovning xatosi sabab keldi (uning bu vaziyatda nimani xohlagani umuman tushunarsiz). Uchinchi gol esa forvardning mahorati va Azmiddinovning etarli darajada o'ynay olmagani sababdandir.

3. Murabbiylik qarorlari. Balki Maksim SHackix qo'l ostidagi shtab o'yinga etarlicha tayyorgarlik ko'rmagandir, aniqrog'i esa ular o'yinni o'zgartira olishmadi va "B reja" yo'q edi. SHackix o'yinchilarga dalda berib, ularni ilhomlantira olmadi.

4. Vaziyatlardan foydalanish. Kecha "Paxtakor"dagi barcha muammolarga qaramay, jamoa bunday hisobda yutqazishga loyiq emasdi. Mezbonlar kamida bitta-ikkita gol urishlari kerak edi. Ayrim epizodlarda "Al Ayn" darvozaboni qutqardi, "Paxtakor" futbolchilarining yakuniy qismida esa mahorat etishmadi.

Yuqoridagi barcha faktlar natijaga tasir qildi. "Paxtakor" bunday mag'lubiyatdan so'ng to'g'ri xulosalar chiqarishi va OCHL guruh bosqichining keyingi o'yinlariga tayyorgarlik ko'rishi kerak. Guruhdan chiqish uchun imkoniyatlar bor, ammo katta ehtimol bilan ikkinchi bilan.