"Paxtakor" stadioniga tomoshabinlar tashrifi 3 baravadan ham ko'proq o'sdi

2017 yil "Paxtakor"ning uydagi 14ta o'yinga jami 58903 tomoshabin kelgandi. Bu har bir uchrashuvga o'rtacha 4207 tomoshabin keldi deganidir.

Bu yil esa "Paxtakor" hozirga qadar o'z maydonida 9ta uchrashuv o'tkazdi. Mazkur o'yinlarga jami 124432 tomoshabin tashrif buyurdi. Yani bitta bahsga o'rtacha 13826 muxlis keldi degani.

Raqamlar shuni ko'rsatadiki bir yil ichida tomoshabinlarning o'rtacha tashrifi 3 baravardan ham ko'proqqa o'sdi. SHubhasiz bunda muxlislar klubining etakchilarining roli katta bo'layapti deb o'ylaymiz. Avvallari o'yinlarning birinchi bo'limidan keyin ishqibozlarni ketib qolishini ko'rar edik. Joriy mavsum esa bu holat sezilarli darajada kamayganini kuzatayapmiz.

So'nggi yillarda "Paxtakor"ning uy o'yinlariga kelgan o'rtacha muxlislar sonini taqdim etamiz:

2014 - bitta uy uchrashuviga o'rtacha 4206
2015 - bitta uy uchrashuviga o'rtacha 2564
2016 - bitta uy uchrashuviga o'rtacha 1472
2017 - bitta uy uchrashuviga o'rtacha 4207
2018 - bitta uy uchrashuviga o'rtacha 13826