O'zingizni qo'lga oling Zabihillo va Dostonbek!
13 jan 2018 20:36
Yangiliklar

O'zingizni qo'lga oling Zabihillo va Dostonbek!

Teglar : O'zbekiston U-23 U-23 Osiyo chempionati

Ayni paytda Xitoyda O'zbekiston U-23 terma jamoasi Osiyo chempionatida ishtirok etmoqa.

Birinchi turda Ravshan Haydarov shogirdlari Qatarga 0:1 hisobida yutqazishdi, ikkinchi turda esa O'zbekiston mezbon Xitoy ustidan 1:0 hisobida g'olib bo'ldi. 15 yanvar kuni guruh bosqichining 3-turida Ummon bilan o'ynaymiz. Mana shu o'yin ko'p narsaga oydinlik kiritib beradi. Xalqimiz jamoamizdan albatta g'alaba kutmoqda.

Dastlabki turda jamoa etakchisi deya atalayotgan Javohir Sidiqovning o'yini o'xshamadi. Xitoy bilan bahsda esa u o'zini qo'lga oldi va bahsda eng yaxshilardan biri bo'ldi. Biroq terma jamoamizning yana ikki etakchisi dastlabki ikki bahsda o'zidan kutilgan o'yini ko'rsata olishmadi. Zabihillo O'rinboev O'zbekiston U-23 terma jamoasi sardori va etakchisi hisoblanadi. U o'z klubida balki yorqin o'yin ko'rsata olmas, ammo terma jamoaga ko'p foyda keltiradi. Tailanddagi o'rtoqlik musobaqasining eng yaxshi to'purari bo'lgan O'rinboev finalda Yaponiyaga 2ta gol urgandi. Dostonbek Hamdamov esa yakunlanan mavsumda "Bunyodkor"ning haqiqiy etakchisiga aylanib oldi. U oliy ligada 10dan ortiq gol urdi. Osiyo chempionatining dastlabki ikki turida mana shu futbolchilar muxlislar kutgan o'yinni ko'rsata olishmadi.

Oldinda Ummon bilan o'yin bor. Ko'pchilikning istagi shu: Zabihillo va Dostonbek uyg'oning! Sizning vaqtingiz keldi!