O'zbekiston U-23 - Xitoy U-23 1:0. Futbolchilarga qo'yilgan ballar
12 jan 2018 15:35
Yangiliklar

O'zbekiston U-23 - Xitoy U-23 1:0. Futbolchilarga qo'yilgan ballar

Saytimiz ijodkorlari yaqindagina yakunlangan Osiyo chempionati (U-23) doirasidagi O'zbekiston - Xitoy (1:0) yoshlari o'rtasidagi o'yinda futbolchilarni ballik tizimda baholab chiqishdi.

Ravshan Haydarov bugungi bahsda Qatarga qarshi o'yinga nisbatan 4ta o'zgarishni amalga oshirdi. Qo'lga kiritilgan natijadan kelib chiqilsa, yakunda murabbiyning bu o'zgarishlari ish berdi. O'yinda faol harakat qilgan Javohir Siddiqov eng yuqori (8,5) ballga ega bo'ldi. O'tgan uchrashuvdagi kabi o'yinda deyarli ko'rinish bermagan hamda ko'plab xatolarga yo'l qo'ygan Zabihillo O'rinboev va Doston Hamdamov eng past (5) ballga loyiq ko'rildi.

Haydarov Xitoyga qarshi bahsda 4-1-4-1 taktik sxemadan foydalandi.

Quyida futbolchilarga qo'yilgan baholar bilan tanishing:

Darvozabon: Botirali Ergashev - 7,5 ball
CHap qanot himoyachisi: Xojiakbar Alijonov - 7,5 ball
Markaziy himoyachi: Rustam Ashurmatov - 7,3 ball
Markaziy himoyachi: Doston Tursunov - 7,4 ball
O'ng qanot himoyachisi: Abbos Otaxonov - 6,1 ball
Tayanch yarim himoyachisi: Odiljon Hamrobekov - 7 ball
Markaziy yarim himoyachisi: Aziz G'aniev - 7 ball
Markaziy yarim himoyachi: Javohir Siddiqov - 8,5 ball
Vinger: Doston Hamdamov - 5 ball
Vinger: Doniyor Narzullaev - 6,5 ball
Hujumchi: Zabihillo O'rinboev - 5 ball

Qanot himoyachisi: Jasur Yaxshiboev - baholanmadi (kam o'ynadi)
Hujumchi: Bobir Abdixoliqov - baholanmadi (kam o'ynadi)
Yarim himoyachi: Oybek Rustamov - baholanmadi (kam o'ynadi)

Bosh murabbiy Ravshan Haydarov - 8 ball