O'zbekiston U-19 terma jamoasi Iordaniyaga yo'l oldi
13 sen 2019 20:20
Yangiliklar

O'zbekiston U-19 terma jamoasi Iordaniyaga yo'l oldi

Joriy yilning noyabr oyida U-19 Osiyo CHempionati-2020 saralash bahslari o'tkaziladi.

Ayni paytda O'zbekiston yoshlar terma jamoasi Saudiya Arabistoni mezbonlik qiladigan saralash bahslariga tayyorgarlik jarayonini davom ettirmoqda.

Otabek G'ulomxo'jaev boshchiligidagi O'zbekiston yoshlar terma jamoasi tayyorgarlik doirasida bir qator musobaqa va o'rtoqlik o'yinlarida maydonga tushmoqda.

8 sentyabrdan Toshkentda yig'in boshlagan terma jamoamiz bugun poytaxt yig'inini yakunladi va Iordaniyaga yo'l oldi. U erda 2 ta o'rtoqlik o'yini o'tkaziladi. Iordaniya yoshlar terma jamoasiga qarshi 2 marta bahs yuritilishi ko'zda tutilgan. Dastlabki uchrashuv 15 sentyabr kuni bo'lib o'tsa, ikkinchi o'rtoqlik o'yini 17 sentyabr kuni o'tkaziladi. O'zbekiston yoshlar terma jamoasi 18 sentyabr sanasiga qadar Iordaniyada mashg'ulotlar olib boradi.

Iordaniyaga yo'l olgan futbolchilar ro'yxati:

#	Ism-familiya	Tug'ilgan yili	Amplua	Klub
1.	Mo'minmirzo Qodirov	2002	Darvozabon	Bunyodkor
2.	Asadbek Polvonov	2001	Darvozabon	Nasaf
3.	Alibek Davronov	2002	Himoyachi	Nasaf
4.	Doston Tursunov	2001	Himoyachi	Paxtakor
5.	Sunnatilla Hamidjonov	2001	Himoyachi	Paxtakor
6.	Saidazamat Mirsaidov	2001	Himoyachi	Paxtakor
7.	Ibrohimxalil Yuldoshev	2001	Himoyachi	Paxtakor
8.	Eldor Begimov	2001	Himoyachi	AGMK
9.	Xurshid Ubaydullaev	2002	Himoyachi	Bunyodkor
10.	Diyor Rahimkulov	2002	Yarim himoyachi	Bunyodkor
11.	Ibrohim Ibragimov	2001	Yarim himoyachi	Bunyodkor
12.	Mironshox Sattorov	2002	Yarim himoyachi	Bunyodkor
13.	Jasur Jaloliddinov	2002	Yarim himoyachi	Bunyodkor
14.	Behzod SHamsiev	2001	Yarim himoyachi	Paxtakor
15.	Ulug'bek Xoshimov	2001	Hujumchi	Paxtakor
16.	Ruslan Roziev	2001	Hujumchi	Paxtakor
17.	Mirjalol Mirzaev	2001	Hujumchi	Paxtakor
18.	Otabek Jo'raqo'ziev	2002	Hujumchi	Bunyodkor
19.	Muzaffar Olimjonov	2001	Hujumchi	Navbahor
20.	Xojimat Erkinov	2001	Hujumchi	Qo'qon-1912