O'yinoldi matbuot anjumani. Ektor Kuper: "Jahon chempionatiga chiqishning hech qanday siri yo'q"

- Birinchi o'yin har doim muhim. Biz startni ijobiy boshlashga harakat qilamiz. Bu erga uch ochkoni qo'lga kiritish maqsadida kelganmiz. O'ylaymanki, bo'lajak uchrashuvga etarli darajada tayyorgarlik ko'rdik. Barcha raqiblarni hurmat qilgan holda shuni aytishim kerak, biz har bir bahsda faqat g'alabani ko'zlab maydonga tushamiz. Ertaga eng avvalo o'z o'yinimizni o'ylagan holda harakat qilamiz, - dedi Ektor Kuper.

"Biz Falastinning oxirgi o'yinlarini ko'rdik va bu jamoa yaxshi taasurot qoldirdi. Lekin ertaga faqat g'alaba uchun maydonga tushamiz", - dedi Farruh Sayfiev.

- Jahon chempionatiga chiqish imkoniyatlarini qanday baholaysiz?
- Eng avvalo ishonch bo'lishi kerak va mana shu ishonch bizda bor. Eng asosiysi bizda maqsad bor. O'zbekiston terma jamoasi shu paytgacha jahon chempionatiga chiqmgan. Nega endi bu safar ham chiqmasligi kerak? Biz harakat qilsak albatta maqsadga erishamiz. Futbolda hamma narsaning imkoniyati bor.

- Falastinni aynan qaysi jihatlar bo'yicha kuchli deb hisoblaysiz?
Farruh Sayfiev: - Falastin terma jamoasining oxirgi o'yinlarini ko'rib shunday tasavvurga bordik. Bu jamoa G'arbiy Osiyo chempionatida Suriyani 4:3 hisobida mag'lub etdi, Livan bilan ham juda yaxshi o'yin o'tkazdi. SHuningdek, Falastin Osiyo Kubogida o'zini ko'rsatishga harakat qildi. Garchi Avstraliya bilan kechgan bahsda yirik 0:3 hisobida mag'lubiyatga uchragan bo'lsa-da, o'yin tomonlama yaxshi taassurot qoldirgandi.

- O'zbekiston terma jamoasi avvalgi safar jahon chempionatiga chiqishiga oz qolgandi. Nima deb o'ylaysiz, qanday xatolar yuzaga keldig'yu va endi o'sha xatolarni to'rilash uchun nima qilmoqchisiz? (falastinlik muxbir savoli)
- Bilasizmi, avvalgi saralashdagi xatolar haqida gapiradigan bo'lsam, bu mendan oldin terma jamoani boshqargan murabbiga nisbatan hurmastiizlik bo'ladi. Men hech kimning xatolari haqida gapirmayman, faqat o'z ishimni muhoakama qilaman. Jahon chempionatiga chiqishning hech qanday siri yo'q, bunga faqat mehnat orqali erishsa bo'ladi. Biz har tomonlama ishlashimiz kerak. SHuningdek, raqiblarni hurmat qilgan hammaning kuchiga munosib baho berish kerak.

Tolibjon Qosimov, Ramalloh shahridan maxsus