Osiyo jamoalari FIFA kunlarida kimlar bilan o'ynaydi?

Bu oraliqda aksariyat terma jamoalar o'rtoqlik uchrashuvlari bilan mashg'ul bo'ladi. Xususan O'zbekiston milliy terma jamoasi FIFA kunlaridan unumli foydalanish maqsadida 23 sentyabr kuni Kamerun va 27 sentyabrda Kosta Rika terma jamoalariga qarshi bahs olib boradi. Mazkur o'yinlar Janubiy Koreyada bo'lib o'tadi. Har ikki raqibimiz JCH-2022 ishtirokchisi ekanini inobatga olsak, bahslar qiziq kechishi kutilmoqda.

Xo'sh, Osiyoning boshqa jamoalari bu payt kimlar bilan o'ynaydi? Quyida jahon chempionatida o'ynaydigan 6ta terma jamoaning sentyabr taqvimiga etibor qaratamiz. Malumki, JCH-2002da qitamiz sharafini mezbon Qatardan tashqari Avstraliya, Eron, Yaponiya, Janubiy Koreya va Saudiya Arabistoni himoya qiladi.

AVSTRALIYA

Grem Arnold boshchiligidagi Avstraliya terma jamoasi bu oyda ikkita o'yin o'tkazadi va har ikkala bahs Yangi Zelandiya terma jamoasi bilan kechadi. Birinchi o'yin Brisben shahridagi markaziy stadionda bo'lib o'tsa, ikkinchi uchrashuv Oklendda tashkil etiladi.

22 sentyabr. Avstraliya - Yangi Zelandiya

25 sentyabr. Avstraliya - Yangi Zelandiya

ERON

JCHga puxta tayyorgarlik ko'rishni maqsad qilgan Eron ayni payt Avstriyada mashg'ulot olib boryapti. Yana terma jamoa boshqaruviga qaytgan Karlush Keyrush ikkita kuchli jamoaga qarshi o'yin orqali shogirdlarini sinovdan o'tkazib oladi. Forslar Urugvay va Senegalga qarshi maydonga tushishadi. 

23 sentyabr. Eron - Urugvay

27 sentyabr. Eron - Senegal

YAPONIYA

Yaponiya terma jamoasi ustozi Xajime Moriyasu sentyabr yig'iniga 30 nafar futbolchini taklif etdi. "Samuraylar" JCH-2022 oldidan AQSH va Ekvador bilan kuch sinab ko'rishadi.

23 sentyabr. Yaponiya - AQSH

27 sentyabr. Yaponiya - Ekvador

JANUBIY KOREYA

Janubiy Koreya har ikkala o'rtoqlik uchrashuvini o'z maydonida o'tkazadi. O'z tarixida ketma-ket 10-marta jahon chempionatida qatnashadigan koreyaliklar mundial oldidan Kosta Rika va Kamerun bilan bellashib ko'rishadi.

23 sentyabr. Janubiy Koreya - Kosta Rika

27 sentyabr. Janubiy Koreya - Kamerun

SAUDIYA ARABISTONI

Ispaniyada yig'in olib borayotgan Saudiya Arabistoni milliy terma jamoasi xuddi Yaponiya singari bu oyda Ekvador va AQSH bilan o'ynaydi.

23 sentyabr. Saudiya Arabistoni - Ekvador

27 sentyabr. Saudiya Arabistoni - AQSH

QATAR

Qatar imkon bo'ldi deguncha faqat kuchlilar bilan o'ynayapti. Bu esa mundial payti foyda bersa ajab emas. Avstriyada mashg'ulot olib borayotgan qatarliklar paytdan foydalanib Kanada va CHiliga qarshi maydonga tushishadi.

23 sentyabr. Qatar - Kanada

27 sentyabr. Qatar - CHili