O'rtoqlik uchrashuvi: "Metallurg" - "Bunyodkor-2" - 8:0

Birinchi liga vakillariga qarshi uchrashuvda bekobodliklar raqiblar darvozasiga javobsiz sakkizta to'p yo'llashdi – 8:0.

O'yin mahorat borasida ustun bo'lgan oliy liga vakillarining to'liq ustunligi ostida o'tdi. Har ikkala taymda metallurgchilar poytaxtliklar darvozasiga to'rttadan gol kiritishdi. Birinchi taymda SHahzodbek Nurmatov xet-trikni rasmiylashtirgan bo'lsa, ikkinchi taymda jamoaning tajribali hujumchisi Zohid Abdullaev ham undan ortda qolmadi va o'z hisobiga uchta gol yozib qo'ydi. Yana ikkita gol Saidjon Abdujabborov  hamda Sardor Rasulovlar hisobiga yozildi. Jamoa yarim himoyachisi Alisher Ziyovuddinov shu kuni individual mashg'ulotlar olib borgan bo'lsa, himoyachi Davronbek Karimqulov uchrashuvni tomoshabinlar qatorida kuzatib o'tirdi.

Endi “Metallurg” futbolchilari “Lokomotiv” jamoasiga qarshi o'tkaziladigan ikkinchi davraning birinchi o'yiniga qadar tayyorgarlik jarayonini CHirchiq shahrida davom ettirishadi.

“Metallurg”(Bekobod) – “Bunyodkor-2” (Toshkent) – 8:0 (4:0). 28.07.2015. Nazorat uchrashuvi. “Bunyodkor” akademiyasi maydoni.
Hakamlar:Asker Najafaliev, Rishat Nugmanov, Nikita Afinogenov.
Nazoratchi hakam:Marat Ismoilov.
Gollar: SHahzodbek Nurmatov (8, 23, 25), Saidjon Abdujabborov (27), Zohid Abdullaev (55, 60, 88), Sardor Rasulov (58).
Ogohlantirishlar:Doniyor Odilov (12), Hikmat Hoshimov (89).
 “Metallurg”: S.Sultonov, H.Hoshimov, A.Kovalev, J.Mirabdullaev, M.Sulaymonov, D.Odilov, D.Karimov, R.Vagapov, S.Abdujabborov, M.Toshmatov, SH.Nurmatov.
Ikkinchi taymda maydonga tushganlar: Z.Safoev, S.Rasulov, A.No'monov, M.Akbarov, Z.Abdullaev, M.Esonov, SH.Norbekov, F.Nurliboev, A.Rashidxonov.
“Bunyodkor-2”: F.Abdusattorov, S.Madrahimov, B.Usmonov, M.Mirahmedov, A.Roziqov, N.To'xtasinov, A.Abdullaev, E.Ravshanov, J.Xo'jamov, M.Qahramonov, B.Umarjonov.
Zahiradan tushganlar: E.Adhamov, F.Inog'omov, SH.Ergashev, R.Nuraliev.