"Oq-tepa". Yana g'alaba!

"Yoshlik"ni qabul qilgan Yaroslav Krushelnickiy shogirdlari mehmonlar darvozasiga kiritilgan ikki gol evaziga navbatdagi g'alaba va uch ochkoni naqd qilishdi. Avvaliga raqib o'yinchisi jarima maydoni ichida hujumchi Vladimir Gavrilovga ishlatgan qo'polligi uchun hakam mehmonlar darvozasi tomon penalti belgiladi. Nuqtaga yaqinlashgan Izzatilla To'lqunov "Oq-tepa"ni hisobda oldinga olib chiqdi. Ko'p o'tmay, yana o'sha tajribali Vladimir Gavrilov o'zini ko'rsatdi va Irisdavlat Hakimovni qulay vaziyatga chiqardi. Futbolchimiz imkoniyatdan foydalanib jamoaning ikkinchi golini ham urishga muvaffaq bo'ldi. Tanaffus arafasida mehmonlar hisobni bittaga qisqartirishga muvaffaq bo'lishdi, yakunda bu gol uchrashuvda so'nggisi bo'lib chiqdi. Ikkinchi taymda tomonlar darvozalarni ishg'ol qila olishmadi.  

Jamoamiz birinchi davradagi so'nggi uchrashuvni "Megasport"ga qarshi o'tkazadi. Mazkur bellashuv 29-30 iyun sanalariga belgilangan.

TOSHKENT SHAHAR CHEMPIONATI

OQ-TEPA - YOSHLIK - 2:1 (2:1)

23 iyun. Toshkent. "Oq-tepa" maydoni.

Bosh hakam: Dilshod Karimov.

"Oq-tepa": Rustam Dadaboev, Abdulaziz Ashrafxonov, Jahongir Ismoilov, Islomjon Ortiqov, Olmos Fayziev, Izzatilla To'lqunov, Irisdavlat Hakimov, SHohruh Gulmurodov, Baxtiyor Haitov, Ilhom Abdiev (Sarvar SHog'ulomov), Vladimir Gavrilov (Dmitriy Kraev).

Gollar: Izzatilla To'lqunov  (penaltidan), Irisdavlat Hakimov.

Turnir jadvali

"Oq-tepa" FK matbuot xizmati