"Oq-tepa": Derbida mag'lubiyatga uchradik

Birinchi davraning so'nggi turida “Oq-tepa” stadioniga tashrif buyurgan muxlislar Toshkent derbisiga guvoh bo'lishdi. “NBU-Osiyo”ga qarshi kechgan uchrashuvda omad mehmonlarga kulib boqdi. “Bankirlar” ikkala bo'limda ham darvozamiz oldida yuzaga keltirishgan barcha vaziyatlardan unumli foydalanishdi. Aksincha, bir necha bor Yuriy Coy bilan birga-bir chiqqan futbolchilarimiz qulay imkoniyatni ko'kka sovurib, raqib tomonidan jazolanishdi. Birinchi bo'limda Abdulatif Abduqodirov, tanaffusdan so'ng Javlon Guseynov hamda Aleksey Nikolaev tomonidan urilgan gollar o'yin taqdirini hal qildi. SHu tariqa "Oq-tepa" qisqa tanaffusga ikkinchi o'rin bilan chiqib ketdi. 31 may kuni birinchi bosqichning ikkinchi davra o'yinlariga start beriladi.

O'zbekiston Birinchiligi. 11-tur
“OQ-TEPA” – “NBU-OSIYO” – 0:3 (0:1)
23 may. Toshkent. “Oq-tepa” stadioni. 521 tomoshabin.
Bosh hakam: Viktor Serazetdinov (Toshkent).
Qanot hakamlari: Islom Nosirov (Namangan), Elyor Tursunov (Namangan).
Zaxiradagi hakam: Igor Garmashov (Toshkent).
Nazoratchi: Valentin SHashkov (Toshkent).

“Oq-tepa”: SHohruhjon Eshbo'taev, Saidjon Topilov, Temur Turdiev, Nodirjon Sadullaev (Doniyor Usmonov, 31), Nodirbek Teshaboev, Alisher SHog'ulomov (Farhod Miraahmatov, 81), Nikita Pavlenko (Sergey Rekun, 66), Zafarjon Qoraqulov, Ildar Magdeev, Maruf Ahmadjonov, Zokir Mirzaahmedov (Xurshid Yo'ldoshev Nabijonovich, 46).

“NBU-Osiyo”: Yuriy Coy, Abdumajid Toirov, Aleksandr Xvostunov, Ikromjon Ibragimov (Afrosiyob Isoqov, 89), Javlon Guseynov, Aleksey Nikolaev, Javodulla Ibragimov, Temur Ayzatulov (Suleymon Axmedkarimov, 90), Isroiljon Ergashev (Davron Valijonov, 75), Aleksandr Lupashko (Temur Tolipov, 82), Abdulatif Abduqodirov (SHuhratilla Hikmatullaev, 85).

Gollar: Abdulatif Abduqodirov, 21 – 0:1. Javlon Guseynov, 65 – 0:2. Aleksey Nikolaev, 70 – 0:3.
Ogohlantirish: Ikrom Ibragimov, 64.