Oliver Glasner mavsum oxirida "Ayntraxt"ni tark etadi

Bu haqida klub matbuot xizmati xabar bermoqda. 

Glasner 48 yoshda va Bundesligada 2019 yildan buyon faoliyat olib bormoqda. Dastlabki ikki mavsumni mutaxassis "Volfsburg"da o'tkazgan, keyinroq esa "Ayntraxt"ga ko'chib o'tgan.

Frankfurtliklar bilan Oliver Evropa Ligasidagi g'alabasi bilan yodda qoldi. O'tgan yil may oyida musobaqa finalida "Glazgo Reyndjers" taslim etilgandi. Bu sovrin hozircha Glasner uchun faoliyatidagi yagona kubok bo'lib qolmoqda.

Eslatib o'tamiz, Germaniya Kubogi finalida Glasner "Ayntraxti" yaqinda "RB Leypcig" bilan ro'baro keladi. SHunday ekan, murabbiy mavsumni ikkinchi sovrinni yutib, yakunlashi ham mumkin.