O'FF prezidenti O'zbekiston OTJ futbolchilariga tashakkurnoma yo'lladi

Futbolchilarimiz ham bu murojaatdan ruhlanib, bugun ajoyib o'yin namoyish qilib, yirik hisobda g'alaba qozonishdi.

Umid Ahmadjonov o'yindan keyin futbolchilarga o'z tashakkurini izhor qildi:

"Hurmatli futbolchi va murabbiylar!

Bugungi ajoyib o'yin, chiroyli g'alaba va Osiyo chempionati yarim finaliga yo'l olganingiz bilan barchangizni tabriklayman! Rahmat Sizlarga! O'yindan avval Sizlarga yuborgan murojaatimdan to'g'ri xulosa chiqargan holda, bugun maydonda joningizni berib harakat qildingiz. Kechagi fojeadan qalbi g'amga to'lgan yurtoshlarimizga oz bo'lsa-da, quvonch baxsh etishga muvaffaq bo'ldingiz. Albatta, Qozog'istonda vatandoshlarimiz bilan ro'y bergan fojeaning alamini hech narsa bosa olmaydi. Biz hamisha o'tganlarning ortidan xayrli duolar qilamiz.

Lekin bugungi o'yiningiz bilan Siz nafaqat yurtdoshlarimizga quvonch ulashdingiz, balki Vatanimiz shanini munosib himoya qila oldingiz. Yaponiyadek futboli rivojlangan mamlakat o'yinchilaridan o'zbekistonlik futbolchilar hech bir jabhada aslo kam emasliklarini namoyish qilib berdingiz. Buning uchun Sizlarga minnatdorchilik bildiraman.

Endi oldinda Sizlarni Osiyo chempionati yarim final bahsi kutib turibdi. Ushbu masuliyatli o'yinda ham yurakdagi o't bilan astoyidil harakat qilib, g'alaba qozonishingizni tilab qolaman. O'zbekiston hech kimdan kam emasligini butun dunyoga ko'rsatib qo'ying! Final sari olg'a!

Umid Ahmadjonov, O'FF prezidenti".