O'FA vakili Falastin – O'zbekiston uchrashuvi o'tkaziladigan stadion bilan tanishdi

“D” guruhidan o'rin olgan O'zbekiston milliy terma jamoasi birinchi turda mehmonda Falastinga qarshi maydonga tushadi. O'yin Ramalla shahridagi “Faisal Al-Husseini” stadionida bizning vaqt bilan 19:00da start oladi.

O'zbekiston delegaciyasi yo'l olishidan avval Falastinga O'zbekiston futbol associaciyasi vakili sharoitlar bilan tanishish uchun etib keldi va malumotlar bilan o'rtoqlashdi.

Stadion halqaro standartlarga javob beruvchi suniy qoplamali chimga ega. Uchrashuvlar vaqtida ushbu stadion 10 000 muxlisni o'z bag'riga sig'dira oladi va Falastin futbol federaciyasi binosi ham aynan shu kompleks xududida joylashgan.

Terma jamoamiz joylashadigan “Millenium” mehmonxonasidan stadiongacha bo'lgan masofani bosib o'tish uchun tahminan 20 daqiqa vaqt sarflanadi. O'FA vakilining malumot berishicha, terma jamoamiz ishtirokidagi o'yin, rasmiy tadbirlar o'tadigan stadion va yashash sharoitlari qoniqarli darajada.