O'FA bo'lim boshlig'i Ispaniya FFsi tomonidan tashkil qilingan murabbiylik kurslarida tahsil olmoqda
18 iyu 2018 15:15
Yangiliklar

O'FA bo'lim boshlig'i Ispaniya FFsi tomonidan tashkil qilingan murabbiylik kurslarida tahsil olmoqda

O'zbekiston Milliy olimpiya qo'mitasi prezidenti va O'zbekiston futbol Associaciyasi vice-prezidenti Umid Ahmadjonov joriy yilning yanvar oyidagi Ispaniya poytaxti Madrid shahriga qilgan tashrifi vaqtida Ispaniya futbol federaciyasi texnik direktori Fernando Yerro va Murabbiylar tayyorlash Qo'mitasi direktori Eduardo Katurla bilan uchrashuv o'tkazgan edi.

Ushbu uchrashuvda O'zbekiston futbol Associaciyasi va Ispaniya futbol federaciyasi o'rtasida hamkorlik qilish bo'yicha kelishuvga erishilgani xaqida avval xabar berib o'tgan edik.

Hozirda ushbu uchrashuvda imzolangan bir qator kelishuvlarga asosan O'zbekiston futbol Associaciyasining futbol akademiyalari faoliyati bo'limi boshlig'i Zokirjon Xoliqov Ispaniya Qirollik futbol federaciyasi tomonidan tashkil qilinayotgan UEFAning "A" licenziyasini beruvchi intensiv murabbiylik kurslarida tahsil olmoqda.

O'zbekiston futbol Associaciyasi tomonidan nafaqat futbolni rivojlantirish, balki ushbu sohada faoliyat ko'rsatuvchi mutaxassislarni tayyorlash va ularning malakasini oshirish yo'lida amalga oshirilayotgan chora-tadbirlar muntazam davom ettiriladi.

Havola :

Manba : the-uff.com

Yangiliklarni Telegramda o'qing!

Reyting: +4