“Neftchi” FK yangi futbolchilar bilan shartnoma imzoladi

Jamoa so'nggi nazorat uchrashuvini bugun “SHo'rtan”ga qarshi o'tkazadi.

SHundan so'ng futbolchilarga iyd-ramazon hayit bayrami munosabati bilan qisqa muddatli dam beriladi. 29 iyul kuni esa futbolchilar Farg'onada yig'iladi va 3 avgust kuni “Buxoro”ga qarshi kechadigan bahsga tayyorgarlik ko'riladi.

Davralar orlig'ida jamoa yig'iniga kelib qo'shilgan yangi futbolchilar bilan bugun shartnoma imzolandi. Endilikda Akmal Xolmatov, Andrey Akopyanc, SHerzod Hakimov va Umid Qodirov rasman “Neftchi” azosiga aylandi. Ushbu futbolchilar ikkinchi davradan jamoamiz sharafini himoya qiladigan bo'ldi.

Selekciya jarayoni bu bilan to'xtatilgani yo'q. Himoya chizig'ini kuchaytirish maqsadida rahbariyat ayni damda bir nechta o'yinchilar bilan muzokara olib bormoqda. 29 iyul kuni bu masala aniq bo'lishi kutilmoqda.