"Navbahor" ertaga Rossiyaning uchinchi divizioni klubiga qarshi o'ynaydi. Undan keyingi raqib "Ural"
11 fev 2021 22:08
Yangiliklar

"Navbahor" ertaga Rossiyaning uchinchi divizioni klubiga qarshi o'ynaydi. Undan keyingi raqib "Ural"

Teglar : Navbahor

Turkiyaning Belek shahrida o'quv-mashg'ulot yig'inini davom ettirayotgan “Navbahor” jamoasi navbatdagi nazorat o'yinini Smolenskning “Krasnyy” klubiga qarshi o'tkazishni rejalashtirgan.

Mazkur uchrashuv 12 fevral Toshkent vaqti bilan soat 16:00 ga belgilangan.

Malumot o'rnida aytish joizki, garchi Smolensk jamoasining nomi “Krasnyy” (“Qizil”) bo'lsada, klubda qizil rangga aloqador hech nima yo'qligini ko'rish mumkin. Jamoaning asosiy liboslari va logotipidagi ranglar yashil-qoradan iborat bo'lib, klubning laqabi – “Bo'rilar”.

SHuningdek, “Navbahor” 16 fevral sanasida ham yana bir nazorat-sinov o'yinini o'tkazishni rejalashtirgan. SHu kuni jamoamizga mashg'ulotlarni Turkiyada davom ettirayotgan Rossiyaning boshqa bir vakili - Ekaterinburgning “Ural” jamoasi raqiblik qiladi.

Ushbu o'rtoqlik o'yinlari orqali “Navbahor” murabbiylari ixtiyorlarida bo'lib turgan barcha futbolchilarning imkoniyatlarini sinovdan o'tkazishni maqsad qilishgan.

“Navbahor” PFK matbuot xizmati.

Reklama

Havola :

Manba : pfcnavbahor.uz

Yangiliklarni Telegramda o'qing!

Reyting: