Franciya Dembelening g'alabasidan so'ng "Oltin to'p" sohiblari soni bo'yicha birinchi o'ringa chiqib oldi

Taqdirlash marosimi dushanba kuni Parijdagi Shatle teatrida bo'lib o'tdi. Dembele sovrinni 2005 yilgi "Oltin to'p" sohibi braziliyalik Ronaldinodan qabul qilib oldi.

Dembelegacha bu sovrinni franciyaliklardan Mishel Platini (uch marta), Raymon Kopa, Jan‑Per Papen, Zinedin Zidan va Karim Benzema qo'lga kiritgan. Oltita lareat – barcha mamlakatlar orasida rekord. G'arbiy Germaniya/Germaniya va Italiyada besh nafardan, Angliya va Braziliya esa to'rt nafardan g'olib mavjud.

Franciya endi mukofotlarning umumiy soni bo'yicha (8 ta) Argentina bilan birinchi o'rinni bo'lishib turibdi, Lionel Messi 2009 yildan 2023 yilgacha sakkizta "Oltin to'p"ni qo'lga kiritgan.

1995 yilgacha "Oltin to'p" faqat evropalik futbolchilarga topshirilar edi. Shunday qilib, Pele, Diego Maradona va XX asrning boshqa janubiy amerikalik yulduzlari hech qachon g'alaba qozonmagan. Evropalik bo'lmagan birinchi g'olib 1995 yilda liberiyalik Jorj Vea, 1997 yilda esa birinchi janubiy amerikalik braziliyalik Ronaldo bo'lgan.