"Nasaf" muxlislar klubi sardori O'ktam Uzoqov: "Qashqadaryo xalqi kubokni Qarshiga kelishini kutmoqda"

- "Bunyodkor" jamoasi haqida fikrlaringiz...
- "Bunyodkor" mamlakatimizning grand klublaridan biri hisoblanadi. Bu jamoa hurmatga loyiq. Bir-biriga munosib bo'lgan jamoalar o'rtasidagi bahs. Juda kuchli kurash kechadi deb o'ylayman.

- "Nasaf" nimaning evaziga kubokni qo'lga kiritishi mumkin?
- Futbolchilarimizning mahoratiga ishonamiz. Barcha o'yinchilar xuddi so'nggi uchrashuvga tushgandek harakat qilishlariga shubha yo'q. Butun Qashqadaryo xalqi kubokni Qarshiga olib kelinishini kutmoqda.

- "Nasaf" muxlislar klubi finalga qanday tayyorgralik ko'rmoqda?
- Finalga o'zgacha tayyorgarlik ko'rayapmiz. Qo'llab-quvvatlash ajoyib bo'ladi. Uydami, safardami farqi yo'q biz doim jamoamizni qo'llab kelganmiz. Jizzaxdagi o'yinga "Nasaf" muxlislari futbolchilardan ham kuchliroq tayyorgarlik ko'rmoqda desam yanglishmayman.

- Finalda "Nasaf" qanday tarkibda maydonga tushadi? Taxminingiz.
- To'g'risi taxminiy tarkibni ayta olmayman. Buni murbbiylar hal qilishadi. Lekin o'sha kuni barcha asosiy futbolchilarimiz maydonga tushishiga ishonaman.

- Final uchrashuvi Jizzaxda o'tishiga munosabatingiz...
- Juda yaxshi munosabatdamiz. Sababi oldinlari final faqat Toshkentda bo'lardi, viloyatdagi muxlislarning ko'pchiligi finalga bora olmasdi. O'tgan yildan boshlab hal qiluvchi bahslar viloyatlarda o'tkazila boshlandi. Ikkala jamoa uchun ham neytral bo'lgan Jizzax varianti tanlanganidan xursandmiz. Keyingi yillarda ham boshqa viloyatlarga final o'yinlari topshirilishini istaymiz.

- Taxminiy hisob?
- Hisobni taxmin qila olmayman. Lekin "Nasaf" jamoamizning g'alabasiga ishonaman.


Birozdan so'ng "Bunyodkor" muxlislar klubi etakchisi SHavkat Imomovning fikrlari taqdim etiladi.

Narzulla Saydullaev yozib oldi