“Nasaf” futbolchilari Qarshi muhandislik-iqtisodiyot instituti talabalari bilan uchrashuv o'tkazdi

Qiziqarli suhbat va savol-javob tarzida kechgan uchrashuvda “Nasaf” jamoasi futbolchilari – Doniyor Narzullaev, Bobir Abduxoliqov, Akmal Mozgovoy va Oybek Bozorov, shuningdek, klub matbuot xizmati va marketing bo'limlari, muxlislar bilan ishlash bo'limi vakillari ishtirok etishdi. Futbolchilar talablarni qiziqtirgan savollarga bafurja javob qaytarishdi.

SHuningdek, klub marketing bo'limi vakillari “Nasaf” tomonidan muxlislar uchun yaratilayotgan qulayliklar, talabalar uchun chiqarilgan arzon abonementlar hamda klub attributikalarini past narxlarda sotib olish mumkin ekani haqida so'zlab berishdi.

Bunday uchrashuvlar yurtimizning barcha hududlarida yil davomida tashkil etib boriladi.