Namanganda hakamga qiyin

Navbahor Jamshid Iskanderov - 47'

Superliga. 17-tur 28/08/2022, 19:00 1 : 1 Tugadi

Paxtakor Xozhiakbar Alizhonov - 52'

45'

90'

40'  Aleksandr Kasyan (Zoran Marushich)

47'  Jamshid Iskanderov

80'  Jamshid Boltaboev

87'  Asadbek Sobirzhonov (Mirlan Murzaev)

87'  Jamshid Iskanderov (Azim Ahmedov)

52'  Xozhiakbar Alizhonov

66'  Azizbek Turg’unboyev (Dostonbek Hamdamov)

70'  Ilya Martinovich (Abbosbek Fayzullayev)

76'  SHahzod Azmiddinov

90'  Dragan CHeran (Muhammadali O'rinboyev)

Match-senterda ochish

Xato qarash yoki omadli taqvim

Juda ko'p joylarda bu bahsga nisbatan "Yil o'yini" iborasi ishlatilyapti. Bahs qaysidir jamoa uchun shunday maqomda bo'lishi mumkin. Lekin Superliga taqvimining aytishicha, "Yil o'yini" har qanaqasiga oxirgi turda bo'ladi. 

O'sha kuni kim chempion bo'lsa ham, haqiqiy "imtihon" topshirishi kerak. Hozircha oltin medallar uchun eng yaxshi imkoniyatga ega bo'lib turgan "So'g'diyona" "Qizilqum" mehmoni bo'ladi. Samvel Babayan Mirjalol Qosimov bilan to'qnashadi. "Nasaf" esa grandlarni qiynayotgan "Olimpik" maydoniga safar qiladi. 

Eng qizig'i, bu o'yinlarning hammasi elitada jon saqlash uchun kurashayotgan jamoalarning soyasida qolib ketishi mumkin. Oxirgi turda chempionatimizning asosiy autsayderi bo'lib turgan "Dinamo" "Qo'qon-1912"ni qabul qilsa, 12 va 13-o'rinlarni band qilgan "Neftchi" va "Surxon" ham o'zaro to'qnashadi.

Bundan tashqari, bugungi bellashuv "Hafta o'yini" bo'lishi ham qiyin masala. CHunki shu jamoalar o'rtasida 2 sentyabr kuni o'tadigan kubok chorak finalining qiymati ancha yuqoriroq. Bugun yutqazgan jamoa o'sha kuni 12 kishi bo'lib o'ynashga harakat qiladi.

Kim favorit?

Agar musobaqa jadvaliga qaralsa, mezbonlarning imkoniyati yuqoriroqdek ko'rinadi. Ammo unutmaslik kerak, "Navbahor" oxirgi 9 o'yinda Toshkent klubini yutolmagan. Bugun namanganliklar ana shu seriyani buzish uchun ham maydonga chiqishadi. 

Bir qarashda kuchlar tengdek ko'rinyapti. Lekin Dragan CHeran formada bo'lsa, kichik ustunlik "Paxtakor" tomonida.

Hakam faktori

Bugungi bahsda hammadan ko'ra bosh hakamga qiyinroq. CHunki uning qarshisida 2 ta jamoa turibdi. Istalgan qarorga ulardan biri 100% etiroz qiladi. 

Qo'shimchasiga, Toshkent klubi mazkur o'yinga hakam ularni "chopishiga" ishonch bilan kelyapti. "Paxtakor"ning bazi rasmiylari SHukurullaev 50/50 vaziyatlarda raqibga yon bosishiga ishonayotgan bo'lsa, kimlardir 1-taymning o'zida "sherlar"ga qizil kartochka ko'rsatilishini kutyapti. 

Agar siz shunday kayfiyatda maydonga chiqsangiz, to'p har gal autga chiqqanida referi sizni "o'ldirayotgan"dek tuyulaveradi. Bu futbolchilarga salbiy tasir qilishi aniq. SHunaqa tasavvur bilan o'yinga tushilsa, ko'p hollarda kimdir qizishib ketib, qizil kartochkani o'zi tilab oladi.

SHukurullaevga omad!

Klublarning birinchi davradagi to'qnashuvida ham shu hakam ishlagan edi. O'sha o'yin atrofida sodir bo'lgan voqealarni bilganim uchun Akobirxo'jaga qoyil qolganman. 

U bugun yana bir bor imtihondan o'tadi. Agar SHukurullaev yaxshi ishlab birovda etiroz qoldirmasa, rahbariyatning ishonchi yanada ortadi. Bu dastlab O'zbekiston kubogi finalida ishlash huquqini taqdim qilishi mumkin. Qo'shimchasiga, 27 yoshli arbitrda yilning eng yaxshi referisi bo'lish uchun imkoniyatlar oshib ketadi.

Xullas, Akobirxo'janing oldida qiyin, ammo faoliyatining keyingi bosqichiga yaxshi tasir qiladigan imkoniyat turibdi. Umid qilamizki, u bundan unumli foydalanadi.

P.s. Bugun stadion xavfsizligi uchun masul xodimlarga ham omad tilab, hushyorroq bo'lishni so'raymiz.

Muallifning telegramdagi kanali → FA| futbol ANALIZI