MYU sobiq azosi oilasini boqish uchun Runi va Ferdinandning butsalarini o'g'irlaganini tan oldi

U buni oilasini boqish uchun qilganini aytdi. Bir vaqtlar Morrison Rio Ferdinandning oyoq kiyimini olayotgan vaqtda qo'lga tushgan va kiyim almashtirish xonasidan quvib chiqarilgan edi. 

“O'sha vaqtda bolalar jamoasida edim, yosh va ahmoq bo'lganim aniq. Bu erda bir juft butsa uchun 250 funt, 2 juft uchun esa 500 funtni tezda ishlab olasan. Uyga sovg'alar bilan borasan, kayfiyat esa alo darajada!

Ko'p zarar etkazishni xohlamagandim. Senga yoki Ueyn Runiga qancha butsa berishlarini ko'rardim, bir vaqtning o'zida 20-30 juft olardingiz. Keyin men: “Bir juftini olaman va uydagilarni boqaman hamda ularni kerakli narsalar bilan taminlayman”, deb o'ylardim. Bu katta muammo bo'ladi deb o'ylamganman”, degan Morrison jonli efir vaqtida Ferdinandga qarata.

Istedodli hisoblangan Ravel Morrison katta futbolda kutilganidek yutuqqa erisha olmadi. 28 yoshli futbolchi “qizil iblislar” asosiy jamoasida 3 ta o'yin o'tkazgan. Yarim himoyachi hozirda klubsiz hisoblanadi.

“Tumanli Albion”ga aloqador qiziqarli xabarlar Instagram'dagi @angliyafutboli sahifasida! Obuna bo'ling!