Mourino bosh hakamni tanqid qildi: "Siti" zamonaviy penalti ishlab oldi"

"Nima deyishim mumkin? Kuchga to'la jamoa charchagan jamoani mag'lub etdi. Ammo o'yinni yaxshi boshlagandik. Vaziyatlarni nazorat qilib turgandik, to'sinni nishonga oldik. Gol esa bizning charchoqlarimiz nishoni bo'ldi.

Keyinchalik "Siti" zamonaviy penalti ishladi. Ha, men shunday nomlayman va shu sababdan qiyin holatga tushib qoldik. Zamonaviy penalti - tirnog'ingiz tegib ketsa ham beriladigan penalti. Bu esa raqibga bog'liq. SHunday holatlar borki, siz nafaqat tirnog'ingiz, balki, burun va oyoqlarning uchi bilan tegib ketsangiz penalti qo'yiladi. VAR esa kontakt bo'lganini tasdiqlab beradi. Kontakt bo'lmaganini esa isbotlab bera olmaysiz.

Futbolchilarning o'z vazifasiga qanday yondashayotganidan mamnunman. Ular og'ir holatga tushib qolishgan bo'lsa-da, mardlik ko'rsata olishyapti. Agarda jamoada birdamlik bo'lmasa. qattiqroq jazo olishadi. Xarri Keyn, Ben Devis, Xeyberg kabi futbolchilar bor kuchlari bilan harakat qilishmoqda. Ammo bizning o'yinni buzayotgan narsalar kichik xatolar bo'lyapti.

Barchasi bizga qarshi ishlamoqda. Ikkinchi bo'lim esa doimgidanda qiyinlashib ketyapti", - dedi Mourino.