"Modrich transferi". "Real" navbatdagi yurishni amalga oshirdi

So'nggi vaqtlarda Italiyaning "Inter" jamoasi 32 yoshli futbolchiga jiddiy qiziqish bildirmoqda. Ammo madridliklar Xorvatiya termasi sardori va JCH-2018 "Eng yaxshi futbolchisi"ni qo'yib yuborish niyatida emas. "Qirollik klubi" va futbolchi o'rtasida imzolangan shartnomada tovon puli 750 million evro qilib belgilab qo'yilgan.

Hozir Modrich yiliga 8 million evro ishlab topadi. "Real" jamoaning muhim futbolchilaridan biri bo'lgan Lukaning maoshini oshirishga tayyor va yaqin soatlar ichida yangi shartnoma futbolchi va uning agentlariga taqdim etiladi.

SHuningdek, klub rahbariyati futbolchi transferi borasidagi turli mish-mishlar va uning agentlari harakatidan norozi. Ularning fikricha Modrich o'zi barchasiga chek qo'yishi mumkin.