Mirjalol Qosimov: "SHubhasiz, chempionatning yakuni qiziqarli bo'ladi"

"O'yin qiziqarli bo'ldi. Muxlislarimizni xursand qilish uchun ham g'alaba qozonmoqchi edik. Oxirgi vaqtlarda bizga pand berayotgan jihat, vaziyatlardan unumli foydalana olmaslik tufayli ochko yo'qotdik. Birinchi bo'limning o'zida 5-6 ta yaqqol vaziyatlarimiz bor edi va o'yinni hal qilishimiz mumkin edi. SHu narsa bizni qiyin vaziyatda qoldirdi. Nima ham deymiz, buning ustida ishlaymiz, bu futbol.

Agarda maydonda o'yin ko'rsatmay durang o'ynaganimizda boshimizni devorga ursak bo'lardi. Hayot davom etadi. Albatta, o'yinni qayta ko'rib chiqamiz, yanada ko'proq ishlaymiz. 

O'z o'rnida, "Olimpik" jamoasi ham yaxshi harakatlanganini takidlash lozim.

SHubhasiz, chempionatning yakuni qiziqarli bo'ladi. 

Albatta, ikkinchi o'rin uchun hali imkoniyat bor. Biroq aytib o'tganimdek, yaratayotgan vaziyatlarimizdan foydalanish darajasi juda past. Menimcha, biz ham shundoq ikkinchi o'ringa chiqib qolmaganmiz yoki musobaqani 40 ochko bilan boshlamaganmiz-ku. SHuning uchun ham, avvalo, muxlislar uchun o'ynashda davom etamiz. CHiroyli o'yin ko'rsatishga harakat qilamiz. Bugungi bahs uchun ulardan uzr so'raymiz. Futbolda durang va mag'lubiyat doimo yonma-yon yuradi. Ishonaman, g'alabalar keladi", - dedi Mirjalol Qosimov.